د ایران قاری استازی د ملایشیا د قرآني سیالیو له مجازی مرحلې معاف شو

ایکنا - د ملایشیا په نړیوالو قرآني سیالیو کې د ایران استازی په دغو سیالیو کې د ګډون له مجازی مرحلې معاف شوی او مستقیم به په نهایی مرحلې کې ګډون کوي. 

د ایکنانیوز راپور راکړی،د ملایشیا د قرآن دنړیوالو سیالیو ۶۵ پړاؤ  سږ کال په دوو مرحلو، مجازی (مقدماتي او انټرنیټي ) او حضوري (نهائی) ترسره کېږي. 

د دغې پېښې د جزییاتو له مخې، مجازی مرحله د ۱۴۰۴ کال د غواي له ۲۷ مې څخه تر غبرګولي ۳ مې پورې او حضوري مرحله د زمري له ۱۱  څخه تر ۱۸  پورې په کوالالمپور کې ترسره کېږي. 

د اعلان له مخې، د ایران استازی په دغه پړاؤ  کې له مجازی مرحلې معاف شوی او مستقیم به په حضوري یا نهایی مرحلې کې ګډون کوي. 

د ایران د  اوقافو او خیریه چارو د ادارې  د قرآنی چارو د مرکز د مسؤلانو په وینا، دا معافیت د قرآنی چارو مرکز له ملایشیا د سیالیو له کمیټې سره د خبرو او د ایران د استازو د لوړې کچې په ټینګار سره ترلاسه شوی دی. 

د ملایشیا د قرآن د  نړیوالو سیالیو د ۶۵ دورې د ایران استازی محسن قاسمی دی. دا ځوان قاري تېر کال د قرآن کریم د ۴۷ ملي سیالیو په دوره کې د سیدجاسم موسوي او مسعود نوري وروسته درېیم مقام ترلاسه کړ. 

محسن قاسمی د ۱۳۶۶ کال د غواي په لومړۍ نېټه د پارس‌آباد مغان په ښار کې زیږېدلی دی. 

https://iqna.ir/fa/news/4283124/